Angliya Premer-ligasi 22-turidan o‘rin olgan "Aston Villa" – "Manchester Yunayted" uchrashuvi (2:2) haqida qiziqarli fakt va statistikalar bilan tanishing.
– “Manchester Yunayted” 2016 yildan beri ilk bor APL safar o‘yinida ikki to‘p farqi bilan oldinda borib, yakunda g‘alaba qozona olmadi;
– Brunu Fernandesh “Man Yunayted” safida APLdagi 70 o‘yinda gol+pas tizimida 55 ochko (33+22) to‘pladi. Bu vaqt oralig‘ida ligada faqat Saloh (63) undan yaxshiroq natijaga erishgan;
– “Qizil iblislar” Ralf Rangnik qo‘l ostidagi 8 o‘yinda 4 g‘alaba, 3 durang va bir mag‘lubiyat qayd etdi;
– Filippe Koutinyo “Aston Villa” safida APLda debyut qildi. U maydonga tushishi bilan 5 daqiqa ichida golli hujumda qatnashdi va bitta gol urdi;
– “Yunayted” 2014 yildan beri birinchi marta “Aston Villa”ni safarda mag‘lub eta olmadi.
