Bugun, 16 yanvar kuni Rimdagi “Olimpiko” stadionida Italiya A seriyasining 2021/2022 yilgi mavsumi 22-tur uchrashuvi doirasida “Roma” o‘z maydonida “Kalyari”ni qabul qildi. Uchrashuv mezbonlarning 1:0 hisobidagi g‘alabasi bilan yakunlandi.

31-daqiqada VAR “Kalyari” darvozasiga penalti belgiladi. 11 metrlik jarima zarbasini ishlab olgan Serxio Oliveyraning o‘zi golga aylantirdi. Eslatib o‘tamiz, “Roma”ning o‘zbekistonlik hujumchisi Eldor Shomurodov 75-daqiqada Feliks Afen-Gyan o‘rniga maydonga tushdi.

“Roma” 35 ochko jamg‘arib, Italiya chempionati turnir jadvalida oltinchi o‘ringa ko‘tarilib oldi. “Kalyari” (16) - 18. Musobaqa peshqadami “Inter” (49).

“Roma” — “Kalyari” – 1:0

Gol: 1:0 – 33, penalti Serjiu Oliveyra.

“Roma” – Ruy Patrisiu, Manchini, Kumbula, Vinya, Mxitaryan, Serxio Oliveyra, Veretu (Bove, 90), Dzanyolo (Karsdorp, 86), Meytlend-Naylz (Keramisis, 90), Abraxam, Afena-Gyan (Shomurodov, 75).

“Kalyari” – Kranyo, Dzappa, Goldaniga, Altare (Galyano, 88), Karboni, Dalbert (Likoyannis, 80), Pereyro (Nandes, 69), Deyola, Marin, Joao Pedro, Pavoletti.

Ogohlantirishlar: Serxio Oliveyra (23), Pavoletti (25), Karboni (27), Dalbert (32), Manchini (39), Afena-Gyan (58), Altare (70).