“Arsenal” “Fiorentina” hujumchisi Dushan Vlaxovichni o‘z safiga qo‘shib olmoqchi. “Kanonirlar” 21 yoshli serbiyalik hujumchi uchun 60 million yevro, shuningdek, joriy mavsum Italiya jamoasida ijara asosida o‘ynayotgan yarimhimoyachisi Lukas Torreyraning ham qo‘shib berishga harakat qilib ko‘radi. Bu haqda “Corriere della Sera” nashri xabar bermoqda.
Eslatib o‘tamiz, 21 yoshli Vlaxovich 2018 yilda “Partizan”dan 1,95 million yevro evaziga “Fiorentina” futbolchisiga aylangandi. Joriy mavsumda serbiyalik hujumchi Italiya A seriyasining 20ta o‘yinida 16ta gol urdi va 3ta golli uzatmani amalga oshirdi.
