“Арсенал” “Фиорентина” ҳужумчиси Душан Влаховични ўз сафига қўшиб олмоқчи. “Канонирлар” 21 ёшли сербиялик ҳужумчи учун 60 миллион евро, шунингдек, жорий мавсум Италия жамоасида ижара асосида ўйнаётган яримҳимоячиси Лукас Торрейранинг ҳам қўшиб беришга ҳаракат қилиб кўради. Бу ҳақда “Corriere della Sera” нашри хабар бермоқда.
Эслатиб ўтамиз, 21 ёшли Влахович 2018 йилда “Партизан”дан 1,95 миллион евро эвазига “Фиорентина” футболчисига айланганди. Жорий мавсумда сербиялик ҳужумчи Италия А сериясининг 20та ўйинида 16та гол урди ва 3та голли узатмани амалга оширди.
