Tomas Tuxel jamoasi kamchiliklari haqida gapirdi. U "Manchester Siti"ga qarshi bahsdan keyin shunday deydi:
"Bizda eng katta muammo vaziyatlardan foydalana olmaslik bo‘lib qolmoqda. Mana masalan, biz raqib jarima maydonchasi ichida sakkizta yoki to‘qqizta vaziyatdan foydalana olmadik. To‘gri qaror hamda vaqt tanlash bizning darajamizdagi futbol uchun zaiflik qilmoqda. Biz maydonning alohida nuqtalarida harakat qilish borasida muammolarga duch kelmoqdamiz. Ammo o‘yinga bo‘lgan munosabat, ishonch va himoyaviy birlik borasida ko‘nglim to‘ldi. Raqibga iloji boricha kam imkon berishni uddaladik. Himoyada shunday o‘ynashda davom etishimiz kerak".
Eslatib o‘tamiz, "Chelsi" ayni damda turnir jadvalining 3 o‘rinidan joy olgan.
