Fransiyaning "L'Equipe" nashri xabariga ko‘ra, belgiyalik yarim himoyachi Eden Azar va "Real" o‘rtasidagi munosabatlar buzildi.
Manbaning xabariga ko‘ra, bu voqea noyabr oyida sodir bo‘lgan, o‘shanda Belgiya terma jamoasi shifokorlari futbolchiga jahon chempionati vaqtida eng yaxshi saviyasini tiklash uchun uni to‘rt oyga futboldan chetlashtiradigan yangi operasiyani tavsiya qilgan.
"Real" bu operasiyaga keskin qarshi edi.
Qayd etilishicha, klub rahbariyati bunday ssenariyni istamaydi – ular belgiyalik futbolchini sotishlari uchun o‘yin daqiqalariga ega bo‘lishini istamoqda.
"Real Madrid"ning operasiya qilishdan bosh tortishi nihoyat klub va Azar o‘rtasidagi munosabatlarni uzdi, deyiladi xabarda.
