“Barselona” himoyachisi Dani Alves argentinalik hujumchi Lionel Messi haqida fikr bildirdi.
“Messi — futbol tarixidagi eng yaxshi futbolchi. Bir paytlar “Barselona”da o‘ynab, hozirda uni bu yerda ko‘rmaslik g‘alati holat. Ba’zida ishlar biz xohlagandek bo‘lmaydi. Men unga bundan yaxshiroq joy topa olmasligini aytdim. Chunki, Lionel ham klubni tark etayotanimda menga shunday so‘zlarni aytgandi”, - deya Alvesning so‘zlaridan iqtibos keltiradi kataloniyaliklar matbuot xizmati.
38 yoshli braziliyalik ushbu mavsumda “Barselona” safida barcha turnirlarda 3 ta o‘yinda maydonga tushdi va bitta golli uzatmani amalga oshirdi. Eslatib o‘tamiz, himoyachining kataloniyaliklar bilan shartnomasi 2022 yilning 30 iyuniga qadar tuzilgan.