«Yuventus» murabbiyi Marko Landuchchi Italiya kubogining nimchorak final bosqichi doirasida bo‘lib o‘tgan «Sampdoriya»ga qarshi o‘yin (4:1) borasida o‘z fikrini bildirib o‘tdi.

«Biz yaxshi o‘yin namoyish etdik. Ammo buni amalga oshirish oson bo‘lmadi. Boisi, stadionda muxlislar kam edi. Biz o‘yinga ruhiy jihatdan to‘g‘ri yondashdik, keyingi bosqichga chiqishimiz muhim ahamiyatga ega edi. Axir Italiya kubogi — ajoyib musobaqa. Bugun barcha juda yaxshi o‘ynadi.

Safimizda yetakchi futbolchilar bo‘lmaganda ham biz yuqori ishtiyoq bilan ko‘p o‘yinlarni o‘tkazdik. Hech bir o‘yin yengil o‘tmayapti. Masalan, «Verona», «Empoli» va «Udineze» kabi kichik ko‘ringan klublarga qarshi bahslarda biz ko‘p ochko yo‘qotdik.

Asosiysi – bu sidqidildan mehnat, ishtiyoq va xohish. Hozirda barqarorlikka ega bo‘lib boryapmiz. Buni esa so‘zlarimiz emas, ishimiz ko‘rsatishi kerak», – dedi Landuchchi.