«Manchester Yunayted»ning sobiq himoyachisi Rio Ferdinand «Chelsi» bu mavsumda Liga kubogida g‘alaba qozonishini aytdi. Angliyalik o‘z fikrini «ko‘klar»ning kubok bahslarida yaxshi o‘ynashi bilan asosladi.

«Chelsi» kubok musobaqalarida g‘olib chiqishni biladi, ularda bunga tajriba bor. Futbolchilarda o‘zlariga bo‘lgan ishonch yuqori va ular nima qilishni biladilar. Men buni o‘zim ko‘rganman», — deydi Ferdinand.

Eslatib o‘tamiz, avvalroq Londonning «Chelsi» jamoasi yarim finalda «Tottenxem»ni umumiy 3:0 hisobida mag‘lub etib, Liga kubogi finaliga chiqqan edi.

Turnirning ikkinchi finalchisi 20 yanvar kuni aniqlanadi. Unda «Arsenal» o‘z maydonida «Liverpul»ni qabul qiladi. Jamoalar o‘rtasidagi birinchi uchrashuv 0:0 hisobida durang bilan yakunlangandi.