«Манчестер Юнайтед»нинг собиқ ҳимоячиси Рио Фердинанд «Челси» бу мавсумда Лига кубогида ғалаба қозонишини айтди. Англиялик ўз фикрини «кўклар»нинг кубок баҳсларида яхши ўйнаши билан асослади.
«Челси» кубок мусобақаларида ғолиб чиқишни билади, уларда бунга тажриба бор. Футболчиларда ўзларига бўлган ишонч юқори ва улар нима қилишни биладилар. Мен буни ўзим кўрганман», — дейди Фердинанд.
Эслатиб ўтамиз, аввалроқ Лондоннинг «Челси» жамоаси ярим финалда «Тоттенхэм»ни умумий 3:0 ҳисобида мағлуб этиб, Лига кубоги финалига чиққан эди.
Турнирнинг иккинчи финалчиси 20 январь куни аниқланади. Унда «Арсенал» ўз майдонида «Ливерпуль»ни қабул қилади. Жамоалар ўртасидаги биринчи учрашув 0:0 ҳисобида дуранг билан якунланганди.