«Chelsi» himoyachisi Trevo Chaloba safga qaytishga yaqin turibdi.
Tvitterdagi taniqli insayderlardan biri Nizar Kinsella xabariga ko‘ra, futbolchi «Stemford Brij»da bo‘lib o‘tadigan «Tottenxem»ga qarshi navbatdagi APL o‘yinida maydonga qaytishi mumkin.
Eslatib o‘tamiz, so‘nggi bir oy davomida angliyalik futbolchi bir necha bor ketma-ket tarzda jarohat olgan edi. Murabbiylar shtabi uni yaqin kunlarda mashg‘ulotlarga qaytarishni rejalashtirgan.
E’tiborlisi, joriy mavsum Chaloba Premyer-liganing asosiy kashfiyotlaridan biriga aylandi. 14 o‘yinida himoyachi ikkita gol urgan.
Futbolchi Chempionlar ligasi doirasida Turinning «Yuventus» klubiga qarshi uy uchrashuvida ham gol urganini ta’kidlash joiz.
