«Chelsi» himoyachisi Andreas Kristensen «Barselona»ga o‘tishi mumkin.

Futbolchi va Kataloniya klubi o‘rtasidagi muzokaralar hozirda yuqori bosqichda. «Barsa» futbolchini yozda erkin agent sifatida jamoaga qo‘shilishini kutmasdan uni hoziroq sotib olishni rejalashtirmoqda.

Futbolchining o‘zi kelajagi haqida yanvar oyida qaror qabul qilmoqchi va uni «Barsa»da o‘ynash imkoniyatiga qiziqmoqda.

Avvalroq, Kristensenga «Bavariya»dan ham taklif bo‘lgan edi. 25 yoshli daniyalik joriy mavsumda APLda 13 ta o‘yinda maydonga tushdi.