"Tottenhem" bosh murabbiyi Antonio Konte APLning 17-turi qoldirilgan o‘yinda "Lester" ustidan qozonilgan g‘alabadan so‘ng (3:2) o‘z fikrlarini bildirdi.

“O‘ylaymanki, bugun biz taslim bo‘lishni istamasligimizni ko‘rsatdik.

Futbolchilar bizning falsafamiz qanday bo‘lishi kerakligini juda yaxshi bilishadi. Biz oxirigacha kurashishimiz va kerakli natijaga erishishimiz kerak.

Bugungi o‘yinda mag‘lub bo‘lish noto‘g‘ri bo‘lardi. Ko‘p imkoniyatlarga ega bo‘ldik, gol o‘tkazib yuborganimizda omadimiz kelmadi. Lekin biz oxirigacha ishondik. Biz uch ochkoni xohladik va bunga loyiq edik.

Maqsadimiz nima ekanligini aytish menga qiyin. Oldinda uzoq yo‘l bor, endi ishlash kerak. Biz har bir natija uchun kurashishimiz kerakligini bilamiz. Turnir saviyasini hisobga olsak, bu juda qiyin bo‘ladi”, - deydi italiyalik.