"Тоттенҳэм" бош мураббийи Антонио Конте АПЛнинг 17-тури қолдирилган ўйинда "Лестер" устидан қозонилган ғалабадан сўнг (3:2) ўз фикрларини билдирди.
“Ўйлайманки, бугун биз таслим бўлишни истамаслигимизни кўрсатдик.
Футболчилар бизнинг фалсафамиз қандай бўлиши кераклигини жуда яхши билишади. Биз охиригача курашишимиз ва керакли натижага эришишимиз керак.
Бугунги ўйинда мағлуб бўлиш нотўғри бўларди. Кўп имкониятларга эга бўлдик, гол ўтказиб юборганимизда омадимиз келмади. Лекин биз охиригача ишондик. Биз уч очкони хоҳладик ва бунга лойиқ эдик.
Мақсадимиз нима эканлигини айтиш менга қийин. Олдинда узоқ йўл бор, энди ишлаш керак. Биз ҳар бир натижа учун курашишимиз кераклигини биламиз. Турнир савиясини ҳисобга олсак, бу жуда қийин бўлади”, - дейди италиялик.
