"Borussiya Gladbax" yarim himoyachisi Denis Zakariyaga "Bavariya" qiziqish bildirmoqda.
"Bild" nashri xabariga ko‘ra, 25 yoshli yarim himoyachi myunxenliklarning joriy transfer oynasidagi asosiy maqsadi hisoblanadi.
Ehtimol, kelishuv shu oydayoq rasmiylashtirilishi mumkin. Gladbax shveysariyalik futbolchi uchun 9 million yevro talab qilmoqda. Ayni damda "Bavariya" bu summaning yarmini to‘lashga tayyor.
Shuningdek, Zakariyaga "Manchester Yunayted", "Yuventus", "Arsenal", "Barselona" va Dortmundning "Borussiya" klublari ham qiziqish bildirmoqda.