Bugun, 21 yanvar kuni Italiya kubogining 1/8 final bosqichi o‘yinlari yakuniga yetdi. Unda “Roma” va “Lechche” klublari uchrashdi. Jamoalar Rimdagi (Italiya) “Olimpiko” stadionida o‘zaro bahs olib borishdi. Qarama-qarshilik 3:1 hisobida mezbonlar foydasiga hal bo‘ldi.
O‘yindagi hisob 15-daqiqada Antonio Barrechi pasidan so‘ng mehmonlar futbolchisi Arturo Kalabrezi tomonidan ochildi. Birinchi bo‘lim oxirida Marash Kumbula hisobni tenglashtirdi. 54-daqiqada Nikolo Zanyolaning uzatmasidan so‘ng Temmi Abraham “bo‘rilar”ni hisobda oldinga olib chiqdi. Uchrashuvning asosiy vaqti tugashiga 9 daqiqa qolganida Eldor Shomurodov Genrix Mxitaryanning uzatmasidan so‘ng uchrashuvdagi yakuniy hisobni o‘rnatdi - 3:1.
Ushbu g‘alaba evaziga rimliklar turnirning chorak finalida o‘ynaydigan bo‘ldi.
“Roma” – “Lechche” - 3:1 (1:1, 2:0)
Gollar: 0:1 – 15 Kalabrezi, 1:1 – 40 Kumbula, 2:1 – 54 Abraxam, 3:1 – 81 Shomurodov.
“Roma” – Ruy Patrisiu, Karsdorp, Kumbula, Rojer, Meytlend-Naylz (Vinya, 46), Serjiu Oliveyra, Veretu (Dzanyolo, 46), Kristante, Abraxam (Zalevski, 86), Karles Peres (Mxitaryan, 46), Afena-Gyan (Shomurodov, 64).
“Lechche” – Bleve (Gabriel, 21), Jandre, Dermaku (Luchoni, 46), Kalabrezi, Barreka, Listkovski (Farago, 65), Blen, Gardjulo, Xelgason (Byerkengren, 68), Olivyeri, Di Mariano (Koda, 46).
Ogohlantirishlar: Listkovski (12), Afena-Gyan (38), Xelgason (44), Di Mariano (45), Gardjulo (60), Rojer (71), Abraxam (76).
Chetlatish: Gardjulo (62).
