Бугун, 21 январь куни Италия кубогининг 1/8 финал босқичи ўйинлари якунига етди. Унда “Рома” ва “Лечче” клублари учрашди. Жамоалар Римдаги (Италия) “Олимпико” стадионида ўзаро баҳс олиб боришди. Қарама-қаршилик 3:1 ҳисобида мезбонлар фойдасига ҳал бўлди.

Ўйиндаги ҳисоб 15-дақиқада Антонио Барречи пасидан сўнг меҳмонлар футболчиси Артуро Калабрези томонидан очилди. Биринчи бўлим охирида Мараш Кумбула ҳисобни тенглаштирди. 54-дақиқада Николо Заньоланинг узатмасидан сўнг Тэмми Абраҳам “бўрилар”ни ҳисобда олдинга олиб чиқди. Учрашувнинг асосий вақти тугашига 9 дақиқа қолганида Элдор Шомуродов Генрих Мхитаряннинг узатмасидан сўнг учрашувдаги якуний ҳисобни ўрнатди - 3:1.

Ушбу ғалаба эвазига римликлар турнирнинг чорак финалида ўйнайдиган бўлди.

“Рома” – “Лечче” - 3:1 (1:1, 2:0)

Голлар:  0:1 – 15 Калабрези, 1:1 – 40 Кумбула, 2:1 – 54 Абрахам, 3:1 – 81 Шомуродов.

“Рома” – Руй Патрисиу, Карсдорп, Кумбула, Рожер, Мэйтленд-Найлз (Винья, 46), Сержиу Оливейра, Верету (Дзаньоло, 46), Кристанте, Абрахам (Залевски, 86), Карлес Перес (Мхитарян, 46), Афена-Гьян (Шомуродов, 64).

“Лечче” – Блеве (Габриэл, 21), Жандре, Дермаку (Лучони, 46), Калабрези, Баррека, Листковски (Фараго, 65), Блен, Гарджуло, Хельгасон (Бьеркенгрен, 68), Оливьери, Ди Мариано (Кода, 46).

Огоҳлантиришлар: Листковски (12), Афена-Гьян (38), Хельгасон (44), Ди Мариано (45), Гарджуло (60), Рожер (71), Абрахам (76).

Четлатиш: Гарджуло (62).