19 yanvar, chorshanba kunidan boshlab, Qatarda bo‘lib o‘tadigan futbol bo‘yicha 2022 yilgi jahon chempionati uchun chiptalar sotuvi boshlanishi butun dunyoda katta qiziqish uyg‘otdi. Sotuv davrining dastlabki 24 soatida butun dunyo bo‘ylab muxlislar tomonidan 1,2 milliondan ortiq chiptaga so‘rov yuborilgan.
FIFA rasmiy sayti xabariga ko‘ra, eng ko‘p talab Qatardan, undan keyin Argentina, Meksika, AQSH, Birlashgan Arab Amirliklari, Angliya, Hindiston, Saudiya Arabistoni, Braziliya va Fransiyadan kelgan.
Final o‘yini uchun 140 000 dan ortiq, ochilish o‘yiniga esa 80 000 dan ortiq chipta so‘ralgan.
Ma’lumot uchun, chiptalar sotuvining birinchi bosqichi 8 fevralga qadar davom etadi.
