19 январь, чоршанба кунидан бошлаб, Қатарда бўлиб ўтадиган футбол бўйича 2022 йилги жаҳон чемпионати учун чипталар сотуви бошланиши бутун дунёда катта қизиқиш уйғотди. Сотув даврининг дастлабки 24 соатида бутун дунё бўйлаб мухлислар томонидан 1,2 миллиондан ортиқ чиптага сўров юборилган.
ФИФА расмий сайти хабарига кўра, энг кўп талаб Қатардан, ундан кейин Аргентина, Мексика, АҚШ, Бирлашган Араб Амирликлари, Англия, Ҳиндистон, Саудия Арабистони, Бразилия ва Франциядан келган.
Финал ўйини учун 140 000 дан ортиқ, очилиш ўйинига эса 80 000 дан ортиқ чипта сўралган.
Маълумот учун, чипталар сотувининг биринчи босқичи 8 февралга қадар давом этади.
