Mashhur braziliyalik futbolchi Pele kimyoterapiyasidan so‘ng shifoxonadan chiqdi.
"Pele shifoxonadan chiqarildi, uning ahvoli barqaror", - dedi Pele yotgan San-Pauludagi Albert Eynshteyn kasalxonasi doktori.
Eslatib o‘tamiz, 20 yanvar kuni 81 yoshli braziliyalik afsonaviy sobiq futbolchi yo‘g‘on ichak shishidan rejali davolanish uchun kasalxonaga yotqizilayotgani haqida xabar berilgan edi. Qayd etilishicha, uning o‘pkasi va jigarida ham o‘simta aniqlangan.