Londonning "Arsenal" klubi sobiq himoyachisi Sead Kolashinas Fransiyaning "Marsel" klubiga ko‘chib o‘tganidan baxtiyor ekanligini yashirmadi. Bosniyalik futbolchi yangi jamoasi bilan 2023 yilning yozigacha shartnoma imzoladi.

"Men klub prezidenti Pablo Longoriya bilan suhbatlashdi. Men yangi jamoamni kuzatib kelayotgandim, shu sababli, jamoaning bir qator futbolchilarini o‘rgandim. Bu men uchun yangi imkoniyat va men bu yerda ekanligimdan baxtiyorman. Joriy mavsum "Arsenal" tarkibida kam o‘yin amaliyotiga ega bo‘layotgandim va terma jamoa ixtiyorida jarohat olgandim. Maydonga qaytish uchun ko‘p mehnat qildim.

Murabbiy bilan gaplashdim, lekin mening maydondagi pozisiyam haqida gaplashmadik. Meni "Marsel"da ko‘rishni xohlashayotganini his qildim. Bu juda muhim va mening tanlovimni osonlantirshdi" - dedi klub matbuot xizmatiga bergan intervyusida.