O‘zbekiston MTJ – “Al Vahda” -  1:0 (0:0)

Gol: Azizbek Amonov (90-pen.).

O‘zbekiston terma jamoasi: O‘tkirbek Yusupov (Valijon Rahimov, 46), Islomjon Qobilov (Hojimat Erkinov, 61), Abdulla Abdullayev (Abubakr Rizo Turdialiyev, 61), Sherzod Nasrullayev, Hojiakbar Alijonov (Umarbek Eshmurodov, 61), Farrux Sayfiyev, Akmal Mozgovoy (Dilshod Saitov,61), Sardor Sobirxo‘jayev, Sherzod Temirov (Javohir Siddiqov, 61), Oybek Bozorov (Jaloliddin Jumaboyev, 61), Azizbek Amonov.

O‘z o‘quv-mashg‘ulot yig‘inini BAAning Dubay shahrida olib borayotgan  O‘zbekiston milliy terma jamoasi mazkur yig‘in doirasidagi ilk o‘rtoqlik bahsini bugun BAAning “Al Vahda” jamoasiga qarshi o‘tkazdi.

Har ikki jamoa murabbiylarining talabiga ko‘ra, mazkur o‘yin yopiq tarzda bo‘lib o‘tdi. Ushbu uchrashuvda bosh jamoamiz 1:0 hisobida g‘alaba qozondi. O‘yindagi yagona golga Azizbek Amonov so‘nggi daqiqada raqib darvozasiga belgilangan penaltini aniq amalga oshirgan holda, mualliflik qildi.   

O‘z navbatida ta’kidlash joizki, uchrashuvning 83-daqiqasida Farrux Sayfiyev tomonidan kiritilgan to‘p o‘yindan tashqari holatda kiritilganligi bois, inobatga olinmadi.

“Navbahor” darvozaboni O‘tkir Yusupov ushbu bahsda boshlang‘ich tarkibda maydonda tushib, 45 daqiqa terma jamoamiz darvozasini qo‘riqladi hamda 2-bo‘limda uing o‘rnini Valijon Rahimov egalladi.