«Manchester Yunayted» yarim himoyachisi Donni van de Bekning klubdagi kelajagi hamon so‘roq ostida. U yangi bosh murabbiy Ralf Rangnik qo‘l ostida o‘yin amaliyotiga ega bo‘lmayapti.
Angliya chempionatining ayrim vakillari vaziyatni diqqat bilan kuzatib borishmoqda va o‘tgan haftada gollandiyalik uchun kurashga «Vulverxempton» ham qo‘shildi, deb xabar beradi Daily Mail nashri. Taxminlarga ko‘ra, «bo‘rilar» yarimhimoyachini mavsum oxirigacha ijaraga olishga urinib ko‘rishadi.
Eslatib o‘tamiz, avvalroq klub van de Bekni «Everton» va «Nyukasl»ga sotishdan bosh tortgandi.
