«Манчестер Юнайтед» ярим ҳимоячиси Донни ван де Бекнинг клубдаги келажаги ҳамон сўроқ остида. У янги бош мураббий Ральф Рангник қўл остида ўйин амалиётига эга бўлмаяпти.
Англия чемпионатининг айрим вакиллари вазиятни диққат билан кузатиб боришмоқда ва ўтган ҳафтада голландиялик учун курашга «Вулверхэмптон» ҳам қўшилди, деб хабар беради Daily Mail нашри. Тахминларга кўра, «бўрилар» яримҳимоячини мавсум охиригача ижарага олишга уриниб кўришади.
Эслатиб ўтамиз, аввалроқ клуб ван де Бекни «Эвертон» ва «Ньюкасл»га сотишдан бош тортганди.
