Bugun, 23 yanvar kuni Angliya Premyer-ligasining 2021/2022 yilgi mavsumi 23-turi doirasida “Chelsi” Londondagi “Stemford Brij” stadionida “Tottenxem”ni qabul qildi. Mezbonlar g‘alaba qozonishdi - 2:0.

47-daqiqada “aristokratlar” yarimhimoyachisi Hakim Ziyesh gol urdi. 55-daqiqada himoyachi Tiago Silva mezbonlarning ikkinchi goliga mualliflik qildi.

“Chelsi” 24 uchrashuvda 47 ochko jamg‘argan va Angliya Premyer-ligasi turnir jadvalida 3-o‘rinda bormoqda. “Tottenxem” (36) turnir jadvalida 7-o‘rinda bormoqda.

“Chelsi” — “Tottenxem” – 2:0

Gollar: 1:0 – 47 Ziyesh, 2:0 – 55 Tiago Silva.

“Chelsi” – Arrisabalaga, Aspilikueta, Tiago Silva, Ryudiger, Sarr, Ziyesh (Saul, 90), Kovachich, Jorjinyo (Kante, 73), Maunt, Lukaku, Xadson-Odoi (Alonso, 87).

“Tottenxem” – Lyoris, Doerti, Tanganga (Skipp, 57), Dayer, Sanches, Devis, Sessenyon (Lukas Moura, 56), Xeybyerg, Uinks (Xil, 89), Keyn, Bergveyn.

Ogohlantirishlar: Tiago Silva (24), Tanganga (37), Jorjinyo (42).