Londonning "Chelsi" klubi bosh murabbiyi Tomas Tuxel APL doirasida "Tottenxem" (2:0) ustidan qo‘lga kiritilgan g‘alaba haqidagi fikrlari bilan o‘rtoqlashdi.
"Juda qattiq mehnat qildik va bu o‘yin qiyin kechdi. Biz katta kuch sarflashga majbur bo‘ldik va g‘alabaga munosibligimizni amalda isbotladik. Shu ruhda davom etishimiz kerak. Keynning hisobga olinmagan goli? Men uni ko‘rmadim. Avvaliga gol deb o‘yladim va hakamning qaroridan hayron bo‘ldim. Taqvim o‘z nomi bilan taqvim. Biz har uch kunda o‘zimizni ko‘rsatishimiz kerak. Endi oldimizda tanaffus bor", - Tuxelning so‘zlaridan iqtibos keltirmoqda Sky Sports.