Italiyating "Jenoa" klubi sobiq bosh murabbiyi Andrey Shevchenko Polsha terma jamoasiga boshqarishga rozi bo‘lganligi haqida Yevropa OAVlari xabar tarqatmoqda.

Polsha futbolchi Ittifoqi va Shevchenko o‘zaro kelishuvga erishdi. Shartnoma 31 yanvar kuniga qadar imzolanadi. Shevchenkoning maoshi yiliga 2,5 million yevroni tashkil qiladi. Maoshning bir qismini Polsha futbol Ittifoqi to‘lab beradi, qolgan qismini esa homiylar.

45 yoshli mutaxassis yaqinda Italiyaning "Jenoa" tomonidan iste’foga chiqarilgandi, lekin u shu kungacha genuyaliklar bilan shartnomasini bekor qilmadi, chunki italiyalik rahbarlar bilan kelishmovchiliklar mavjud. "Jenoa" bilan shartnoma bekor qilingandan keyingina ukrainalik mutaxassis Polsha terma jamoasi bosh murabbiyi sifatida tanishtiriladi.

Qiziqarli tomoni shundaki, Polsha JCH-2022 saralash bosqichida Rossiya terma jamoasiga qarshi 24 mart kuni bahs olib boradi.