PSJ Fransiya Liga—1 musobaqasining 22-tur uchrashuvida “Reyms” ustidan yirik g‘alabaga erishdi. Uchrashuv Parijdagi “Park de Prens” stadionida bo‘lib o‘tdi va 4:0 hisobida mezbonlar foydasiga hal bo‘ldi.
Birinchi bo‘lim oxiridagi o‘yinda hisobni Marko Verratti ochdi. Serxio Ramos 62-daqiqada gol urdi, bu gol uning PSJdagi debyuti bo‘ldi. Keyinchalik, “Reyms” himoyachisi Vout Fas o‘z darvozasini ishg‘ol qilib qo‘ydi, 75-daqiqada esa Danilu Pereyra jamoasining 3-golini kiritdi.
PSJ 53 ochko jamg‘argan va Liga—1 turnir jadvalida “Nissa”ni 11 ochkoga ortda qoldirib, birinchi o‘rinni egallab turibdi. “Reyms” 24 ochko bilan 14-pog‘onadan joy olgan.
PSJ — “Reyms” – 4:0
Gollar: 1:0 – 44 Verratti, 2:0 – 62 Ramos, 3:0 – 67, avtogol Fas, 4:0 – 75 Danilu Pereyra.
PSJ – Navas, Kerer, Ramos, Markinyos, Mendesh, Danilu Pereyra, Verratti (Errera, 76), Paredes, Di Mariya (Messi, 63), Ikardi, Mbappe (Draksler, 77).
“Reyms” – Raykovich, Foke (Kassama, 46), Abdelxamid, Fas, Graviyon, Byusi, Loko, Matusiva (Lopi, 46; Flip, 81), Kayuste (Donis, 64), Mbuku (Adelin, 57), Ekitik.
Ogohlantirishlar: Lopi (56).
