"Arsenal"ning "Byornli"ga qarshi qayd etgan durang natijasi jamoaga yangi futbolchi kerakligini yana bir bor ko‘rsatib berdi. Mikel Artetaga yana bir ijodkor futbolchi zarur.
Xabarlarga ko‘ra, to‘pchilar "Yuventus"dan Artur Meloni ijaraga olish ishlarini muvaffaqiyatli yakunlash arafasida turibdi. Ta’kidlanishicha, APL giganti braziliyalikka haftasiga 140 ming funt maosh to‘lashga rozi bo‘ladi.
Artur uchun ham ushbu taklif foydali sanaladi. Negaki, yarim himoyachi ushbu yil so‘ngida o‘tkaziladigan Jahon chempionatiga borishni niyat qilgan. Buning uchun esa doimiy o‘yin amaliyoti talab etiladi.
