Uzoq yillar o‘zbek sporti, xususan, futbolining rivojiga ulkan hissa qo‘shgan inson Elmar Aminov 90 yoshga to‘ldi.
Elmar Alimovich Aminov 1932 yil 23 yanvar kuni Farg‘onada dunyoga kelgan. 1959 yil O‘zbekiston futbol federasiyasiga asos solinganida, Elmar Alimovich ushbu tashkilotning rahbari etib tayinlangan. U inson faoliyati davomida “Paxtakor” jamoasi boshlig‘i, keyinchalik O‘zbekiston SSR Ministrlar Kengashi davlat jismoniy tarbiya va sport qo‘mitasi muovini, so‘ngra rahbari lavozimlarida ishladi. U kishi faoliyati davomida futbol bo‘yicha Sobiq Ittifoq terma jamoasi delegasiyasiga ko‘plab musobaqalarda, jumladan, 1966 yil Angliyada bo‘lib o‘tgan jahon chempionatida rahbarlik qilgan. 1990-1992 yillarda O‘zbekiston futbol federasiyasining birinchi vise-prezidenti sifatida faoliyat olib borgan.
