"Uotford" bosh murabbiyi Klaudio Ranyeri iste’foga chiqarilishi arafasida, deya xabar beradi insayder Nikolo Skira.

Angliya Premyer-ligasining 23-turi doirasidagi “Norvich”ga qarshi o‘yinda (0:3) “Uotford”ning mag‘lubiyati 70 yoshli murabbiyning iste’fosini oldindan belgilab berdi.

Eslatib o‘tamiz, Ranyeri 2021 yilning 4 oktyabr kuni “Uotford”ni boshqaruviga tayinlangan edi. Bu vaqt ichida jamoa barcha turnirlarda 14 ta o‘yin o‘tkazishga muvaffaq bo‘ldi, ularning 11 tasida mag‘lubiyat alamini totib ko‘rdi, ikki bor g‘alaba qozondi va bir marta durang qayd etdi.