"Bazel" hujumchisi Artur Kabral faoliyatini Italiyada davom ettirishi mumkin, deya xabar beradi jurnalist Nikolo Skira.

Manbaga ko‘ra, "Fiorentina" 23 yoshli braziliyalik futbolchini o‘z safiga qo‘shib olmoqchi. Florensiyaliklar Dushan Vlaxovich boshqa klubga ketgan taqdirda hujumchini asosiy nishonga aylantirishadi.

Ma’lumot uchun, Kabral joriy mavsumda “Bazel” safida 31 ta o‘yinda maydonga tushib, 27 ta gol urdi va 8 ta golli uzatmani amalga oshirdi. Transfermarkt portali futbolchining narxini 15 million yevroga baholamoqda.