"Базель" ҳужумчиси Артур Кабрал фаолиятини Италияда давом эттириши мумкин, дея хабар беради журналист Николо Скира.

Манбага кўра, "Фиорентина" 23 ёшли бразилиялик футболчини ўз сафига қўшиб олмоқчи. Флоренцияликлар Душан Влахович бошқа клубга кетган тақдирда ҳужумчини асосий нишонга айлантиришади.

Маълумот учун, Кабрал жорий мавсумда “Базель” сафида 31 та ўйинда майдонга тушиб, 27 та гол урди ва 8 та голли узатмани амалга оширди. Трансфермаркт портали футболчининг нархини 15 миллион еврога баҳоламоқда.