Braziliyaning "Palmeyras" klubini 15 yoshli hujumchisi Endrik uchun Yevropa klublari orasida ayovsiz kurash kechmoqda.
Insayder Mario Korteganning tarqatgan ma’lumotiga qaraganda, "Real" Endrik uchun kurashda Yevropaning top klublarini ortda qoldirmoqda.
Manbaning yozishicha, 15 yoshli braziliyalik futbolchi bilan "Barselona", "Atletiko", "Bavariya", PSJ, "Manchester Yunayted", "Manchester Siti", "Liverpul", "Chelsi" va "Arsenal" klublari ham shartnoma imzolashni xohlashmoqda.
Qayd etilishicha, yosh futbolchi uchun kurash shu darajaga yetdiki, hattoki "Ayaks" va "Atalanta" klublari ushbu kurashdan chiqib ketdi.
Xabar berilishicha, "Palmeyras" o‘z futbolchisi uchun 20-25 million yevro talab qilmoqda. Kelajakdagi bir qator bonuslar orqali bu summa 40-45 million yevrogacha o‘sishi mumkin.