Madridning “Real” klubi hujumchisi Rodrigo Goyes TNT Brasil telekanaliga bergan intervyusida, “qaymoqranglilar” Kilian Mbappe bilan shartnoma imzolashga yaqin turgani va bu amalga oshsa, fransuz bilan raqobatlashishga tayyorligi haqida aytdi.
“Real” Mbappe bilan shartnoma imzolashga yaqin va bu shu kunlarda rasman ma’lum qilinsa kerak. U juda kuchli futbolchi. Mbappe jamoaga kelsa, u bilan raqobatlashish juda qiziq bo‘lardi. Men Kilianni jamoamizda ko‘rsam, xursand bo‘lardim”, - deydi Rodrigo.
U o‘z kelajagiga ham to‘xtalib o‘tdi va shartnoma muddati tugaganidan keyin ham vaziyatni o‘zgartirishni o‘ylamasligini aytdi: “Mening orzuim doim Madridda o‘ynash edi va boshqa hech narsa haqida o‘ylamayman. Real Madridda ko‘p yillar davom etishni istayman", - deya qo‘shimcha qiladi futbolchi.
