Мадриднинг “Реал” клуби ҳужумчиси Родриго Гоес TNT Brasil телеканалига берган интервьюсида, “қаймоқранглилар” Килиан Мбаппе билан шартнома имзолашга яқин тургани ва бу амалга ошса, француз билан рақобатлашишга тайёрлиги ҳақида айтди.

“Реал” Мбаппе билан шартнома имзолашга яқин ва бу шу кунларда расман маълум қилинса керак. У жуда кучли футболчи. Мбаппе жамоага келса, у билан рақобатлашиш жуда қизиқ бўларди. Мен Килианни жамоамизда кўрсам, хурсанд бўлардим”, - дейди Родриго.

У ўз келажагига ҳам тўхталиб ўтди ва шартнома муддати тугаганидан кейин ҳам вазиятни ўзгартиришни ўйламаслигини айтди: “Менинг орзуим доим Мадридда ўйнаш эди ва бошқа ҳеч нарса ҳақида ўйламайман. Реал Мадридда кўп йиллар давом этишни истайман", - дея қўшимча қилади футболчи.