Nigeriya terma jamoasining vaqtinchalik murabbiyi Avgustin Eguavon yangi shartnomaga imzo chekdi. Xabarlarga ko‘ra, mutaxassis Nigeriya Tunisga mag‘lub bo‘lib, musobaqadan chiqib ketganidan keyin, matbuot anjumanida yangi bitimga imzo chekkan.
Bu haqida Eguavonning o‘zi shunday deydi: "Keyinchalik men Nigeriya futbol federasiyasida texnik direktor bo‘lib faoliyat yuritaman. Men tez orada o‘z vazifamga qaytaman va qoidalarga muvofiq ish ko‘raman".
Eslatib o‘tamiz, Nigeriya keyingi bahsni Jahon chempionatiga saralash doirasida Ganaga qarshi o‘tkazadi.
