Londonning "Chelsi" klubi sobiq futbolchisi Jo Koul jamoaning amaldagi bosh murabbiyi Tomas Tuxelning ishiga baho berdi.

"Mourinyoning jamoaga birinchi kelishini hisobga olmaganda, Tuxel "Chelsi"ni boshqargan murabbiylar orasida jamoaga katta ijobiy ta’sir o‘tkazdi. Uni muxlislar yaxshi ko‘radi, klub hurmat qiladi. U jamoaga toza havodan nafas oldirmoqda. YECHLdagi g‘alaba - aqlbovar qilmas natija. "Chelsi" - omadli klubi, lekin u yerda xotirjam bo‘lish mumkinmas. Hatto juda tajribali murabbiylar ham uyerdagi bosimga bardosh bera olishmaydi. Biroq, futbolchilarning Tuxelga bo‘lgan munosabatlari juda ajoyib. Yangi murabbiyning jamoadagi birinchi yilini bundan yaxshiroq tasavvur qila olmaymiz" - dedi Jo Koul The Sun bilan suhbatda.