Лондоннинг "Челси" клуби собиқ футболчиси Жо Коул жамоанинг амалдаги бош мураббийи Томас Тухелнинг ишига баҳо берди.

"Моуриньонинг жамоага биринчи келишини ҳисобга олмаганда, Тухель "Челси"ни бошқарган мураббийлар орасида жамоага катта ижобий таъсир ўтказди. Уни мухлислар яхши кўради, клуб ҳурмат қилади. У жамоага тоза ҳаводан нафас олдирмоқда. ЕЧЛдаги ғалаба - ақлбовар қилмас натижа. "Челси" - омадли клуби, лекин у ерда хотиржам бўлиш мумкинмас. Ҳатто жуда тажрибали мураббийлар ҳам уердаги босимга бардош бера олишмайди. Бироқ, футболчиларнинг Тухелга бўлган муносабатлари жуда ажойиб. Янги мураббийнинг жамоадаги биринчи йилини бундан яхшироқ тасаввур қила олмаймиз" - деди Жо Коул The Sun билан суҳбатда.