Myunxenning "Bavariya" klubi himoyachisi Niklas Zyule mavsum oxirida jamoani tark etishi aniq bo‘ldi.

Bu xabarni klub bosh direktori Oliver Kan ham tasdiqladi.

– Biz Niklasga juda yaxshi shartnoma taklif qildik. U so‘nggi paytlarda juda yaxshi o‘yin namoyish etdi va o‘ziga bo‘lgan ishonch yuqori edi. Biz mavsum oxirigacha unga ehtiyoj sezamiz. Lekin bizda ma’lum iqtisodiy asos bor. Ba’zan bunga rozi bo‘lmaslikni ilojisi yo‘q.

– Zyuleni ketishi og‘irmi?

– Albatta. Niklas bilan bir necha oy muzokara olib bordik. O‘ylaymanki, u so‘nggi besh yilda bu yerda yaxshi natijalarga erishdi. Hozir u dunyoning eng yaxshi markaziy himoyachilaridan biri. O‘ylaymanki, biz unga doim hurmat ko‘rsatamiz va minnatdorchilik bildiramiz, – dedi Kan.