"Napoli" hujumchi Viktor Osimxen bilan xayrlashishga tayyor bo‘lgan summani ma’lum qildi. "La Gazette Dello Sport" xabariga ko‘ra, bu summa 70 million yevroni tashkil qiladi.
Klub rahbariyatining fikricha, 23 yoshli hujumchi Italiyada moslashish davrini o‘tkazdi, bir qancha jarohatlar oldi, koronavirusga chalingan va endi uning narxi yanada oshadi. Nigeriyalik futbolchiga Premyer-liganing bir qator klublari qiziqish bildirishmoqda.
23 yoshli futbolchi joriy mavsumda klub safida 16 ta o‘yinda maydonga tushib, 9 ta gol urdi va 2 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.
