25 yanvar kuni Kataloniyaning «Barselona» klubi bosh murabbiyi Xavi Usmon Dembelening agenti - Mussa Sissoko bilan uchrashganligi haqida Marca nashri xabar tarqatmoqda.

Ispaniyalik mutaxassis «blaugranlar» fransiyalik futbolchini o‘z safida saqlab qolish niyatida ekanlikligini aytgan va futbolchiga shartnoma taklif qilgan, lekin Dembele bu taklifga rad javob bergan. Shundan so‘ng, muzokaralar boshi berk ko‘chaga kirib qolganini his qilgan "ko‘k-anorranglilar" futbolchini 31 yanvargacha jamoani tark etishi mumkinligini bildirishgan.

Futbolchining agenti Sissoko agar qishki transfer bozorida shartnoma uzaytirilmasa nima ro‘y berishini so‘raganida, Xavi javob berdi: «Agar Dembele taklif qilingan ikki variantning birini tanlamasa, u holda «Barselona» tarkibida boshqa maydonga tushmaydi».

Agent murabbiyga Dembele klubga yordam bermoqchi ekanligini, u klubning hozirgi loyihasini qo‘llab-quvvatlashini va mashg‘ulotlarda mashaqqatli mehnat qilishga tayyor ekanligini bildirdi.

qayd etilishicha, uchrashuv keskin o‘tmagan, aksincha, har ikki tomon ham barchaga ma’qul keladigan yechim topish zarurligini tushunishlarini bildirishgan.

Avvalroq, «Barselona» Dembele bilan shartnomani uzaytirish uchun so‘nggi taklifni yuborayotganligi haqida xabar tarqatilgandi.