Angliyaning «Vulverxempton» klubi futbolchisi Adama Traore agar kutilmagan o‘zgarishlar ro‘y bermasa Kataloniyaning «Barselona» klubiga o‘tadi.
Kataloniyaliklar 26 yoshli futbolchini klub uchun qulay bo‘lgan shartlar asosida mavsum oxirigacha ijaraga oladi, deya xabar tarqatmoqda Jerar Romero.
Transferga boshqa sabablar qatori shartnomani uzaytirmayotgani uchun o‘yinlardan chetlatilgan Usmon Dembele bilan bog‘liq vaziyat ham taqozo etishi mumkin.
Eslatib o‘tamiz, Traore – «Barselona» tarbiyalanuvchisi sanaladi. Joriy mavsum u APLda 23 ta uchrashuvda maydonga tushib, bitta gol kiritdi.