Англиянинг «Вулверхэмптон» клуби футболчиси Адама Траоре агар кутилмаган ўзгаришлар рўй бермаса Каталониянинг «Барселона» клубига ўтади.
Каталонияликлар 26 ёшли футболчини клуб учун қулай бўлган шартлар асосида мавсум охиригача ижарага олади, дея хабар тарқатмоқда Жерар Ромеро.
Трансферга бошқа сабаблар қатори шартномани узайтирмаётгани учун ўйинлардан четлатилган Усмон Дембеле билан боғлиқ вазият ҳам тақозо этиши мумкин.
Эслатиб ўтамиз, Траоре – «Барселона» тарбияланувчиси саналади. Жорий мавсум у АПЛда 23 та учрашувда майдонга тушиб, битта гол киритди.