Angliyaning "Manchester Yunayted" klubi sobiq futbolchisi Lui Saaning fikricha, "qizil iblislar"ning keyingi murabbiyi Zinedin Zidan bo‘lishi kerak.

"O‘ylaymanki, Zidan jamoaga juda mos tushar edi. Garchi, "Manchester Yunayted" uning uchun qanchalik jozibali ekanligini bilmayman. Mening fikrimcha, Zidan — eng yaxshi nomzod".

U kabi murabbiy bo‘lganida ba’zi futbolchilarda o‘ziga bo‘lgan ishonch ortgan bo‘lardi. Qarang, Zidan futbolchilik faoliyatida ham, murabbiylik sohasida ham qanday yutuqlarga erishdi.

U yosh futbolchilarni tarbiyalaydigan murabbiy sifatida ham obro‘ga ega va ba’zida kutilmagan yuqori darajalarga erishishga yordam beradi.

Menga uning profili juda yoqadi va o‘ylaymanki, u "Manchester Yunayted"da ajoyib ishlaydi, — dedi Saa Manchester Evening News bilan suhbatda.