«Fiorentina» hujumchisi Dushan Vlaxovich faoliyatini «Yuventus»da davom ettiradi.
Bitimning barcha tafsilotlari, jumladan, transfer summasi, agentlarlik komissiyalari va hujumchining maoshi kelishib olindi.
«Yuventus» 21 yoshli futbolchi uchun 75 million yevro to‘laydi. Serbiyalik futbolchi yiliga yetti million yevro maosh oladi.
Vlaxovich tez orada Turinda tibbiy ko‘rikdan o‘tadi va «Byankonerlar» bilan uzoq muddatli shartnoma imzolaydi.
Hujumchi joriy mavsum «Fiorentina» safida barcha turnirlar doirasida 24 ta o‘yinda maydonga tushib, 20 ta gol urdi va 2 ta golli uzatmani amalga oshirdi.