Myonxengladbaxning «Borussiya» klubi Londonning «Arsenal» jamoasi hujumchi Edvard Nketiyaga taklif bilan chiqdi, deb xabar beradi SSN. Angliyalik futbolchining shartnomasi tugashiga olti oy qoldi va futbolchi noyabr oyida «Arsenal»ning yangi shartnoma bo‘yicha taklifini rad etdi. Shu sabab, Nketiya tez orada jamoani tark etadiganga o‘xshaydi.
Manbaning ta’kidlashicha, «Kristal Pelas» futbolchiga so‘nggi paytlarda katta qiziqish bildirayotgan bo‘lsada, Edvard mazkur muzokaralardan voz kechgan.
London klubi rahbariyati va bosh murabbiyi Mikel Arteta hujumchini jamoada olib qolishni istaydi, ammo futbolchi yangi shartnoma imzolashni istamasa, klub u bilan xayrlashishiga to‘g‘ri keladi. .
