Мёнхенгладбахнинг «Боруссия» клуби Лондоннинг «Арсенал» жамоаси ҳужумчи Эдвард Нкетияга таклиф билан чиқди, деб хабар беради SSN. Англиялик футболчининг шартномаси тугашига олти ой қолди ва футболчи ноябрь ойида «Арсенал»нинг янги шартнома бўйича таклифини рад этди. Шу сабаб, Нкетия тез орада жамоани тарк этадиганга ўхшайди.
Манбанинг таъкидлашича, «Кристал Пэлас» футболчига сўнгги пайтларда катта қизиқиш билдираётган бўлсада, Эдвард мазкур музокаралардан воз кечган.
Лондон клуби раҳбарияти ва бош мураббийи Микел Артета ҳужумчини жамоада олиб қолишни истайди, аммо футболчи янги шартнома имзолашни истамаса, клуб у билан хайрлашишига тўғри келади. .
