Osiyo futbol konfederasiyasi musobaqalar qo‘mitasi qarorini e’lon qildi, unga ko‘ra, «G‘arb» mintaqasidagi OCHL guruh bosqichi uchrashuvlari bir mamlakatda o‘tishi kerakligi belgilangan.
Ya’ni «Paxtakor» o‘z o‘yinlari Toshkentda o‘tishini xohlasa, O‘FA qolgan 4ta guruh uchun ham «zayavka» berishi kerak. Hozircha «G‘arb»da barcha 5ta guruh o‘yinlarini faqat bir mamlakat - Saudiya Arabistoni qabul qilishi mumkin. «Sharq»da esa bunday cheklovlar yo‘q. Shunday ekan, O‘zbekiston yana OCHL o‘yinlariga mezbonlik qilish imkoniyatiga ega, ammo ushbu masala ijobiy hal etilsa, o‘tgan yilgidek, Toshkentga yana «Sharq» jamoalari kelishadi.
***
OFK «G‘arb» mintaqasidagi futbol federasiyalarini OCHL guruh bosqich bahslari mezbonlik huquqi uchun «zayavka» topshirishga rasman taklif etdi.
Bunda asosiy shartlar:
- Barcha 5ta guruh o‘yinlari 1ta mamlakatda o‘tishi kerak;
- Kamida 5ta stadion bo‘lishi lozim;
- Ikki jamoa uchun kamida 1ta mashg‘ulot maydoni (ya’ni kamida 10ta maydon) bo‘lishi kerak;
- «Zayavka» topshirish muddati - 4 fevralgacha.
Alisher NIKIMBAYEV, «Futbolium»
