Angliyaning «Manchester Yunayted» klubi hujumchisi Krishtianu Ronaldu Dubaydagi Butunjahon ko‘rgazmasida chiqish qilar ekan, omma oldida bir qancha maslahatlar berdi.

– Odamlarga qanday maslahatlar berasiz?

– O‘zingizga ma’lum, mening to‘rt nafar farzandim bor va yana ikkita farzand kutyapmiz.

– Tabriklayman!

– Rahmat!

Salomatlik – eng muhim narsa. Siz tanangizga va ongingizga g‘amxo‘rlik qilishingiz kerak. Gap madaniyatlar yoki din haqida ketmayapti, biz - hammamiz bir xilmiz. Bolalarni o‘z tanasiga e’tibor berishga, ko‘proq suv ichishga, yaxshi uxlashga, vaqtida mashg‘ulotlarni o‘tashga, otasining gaplariga quloq tutishga o‘rgatish kerak. Otalar doim yaxshi maslahatlar beradi.

O‘ylaymanki, yaxshi narsalarga amal qilish kerak. Barchaga ma’lum, yaqinda 37 yoshga to‘laman, lekin men haligacha o‘ynayapman. Chunki, men o‘z tanamga juda yaxshi e’tibor beraman, uni ehtiyot qilaman. Gap yoshda emas, ongingizga va tanangizni nima belgilaganingizda.

Yoshlarga aytadigan gapim: o‘zingizga ishoning, otangizni maslahatlariga quloq tuting, o‘qing, iloji boricha ko‘proq o‘rganishga harakat qiling. Biz hammamiz insonmiz va biz o‘z avlodimiz va boshqa avlodlarga o‘rnak bo‘lishimiz kerak, – dedi Ronaldu.